Poslovne vesti - Makedonija

Заинтересирани една домашна и три странски компании

Иако беше најавен за почетокот на мај, објавата за првата јавна лицитација на имотот на пропаднатата млекарница "Сведмилк" ќе биде на крајот на овој или на почетокот на идниот месец.

Од НЛБ Тутунска банка, најголемиот доверител, потврдуваат и велат дека доколку се јават заинтересирани купувачи, имотот веднаш ќе се продаде.

- За нас ќе биде добро оти ќе си ги наплатиме побарувањата, а за државата, пак, тоа ќе биде уште еден нов преработувач на млеко - смета Ѓорѓи Јанчевски, директор на НЛБ Тутунска банка.

Неофицијално, една домашна и три странски компании се најзаинтересирани да ја купат Сведмилк". Во меѓувреме, најголемите доверители во млекарницата, НЛБ Тутунска банка, Хипо алпе Адрија и стечајниот управник Богољуб Макревски веќе завршиле со проценката на имотот и подготвуваат заедничка понуда за имотот на фабриката.